АКАФИСТ ПРЕСВЯТЕЙ БОГОРОДИЦЕ В ЧЕСТЬ ИКОН ЕЯ «СЕМИСТРЕЛЬНАЯ» И «УМЯГЧЕНИЕ ЗЛЫХ СЕРДЕЦ»
Кондак 1
И збранной Деве Марии, превысшей всех дщерей земли, Матери Сына Божия, Еюже дается спасение мира, со умилением взываем: воззри на многоскорбное житие наше, воспомяни скорби и болезни, яже претерпела еси, яко наша земнородная, и сотвори с нами по милосердию Твоему, да зовем Ти:
А нгел возвести пастырем вифлеемстим о Рождестве Спасителя мира, и с ним множество воев небесных восхваляху Бога, поюще: «Слава в вышних Богу, и на земли мир, в человецех благоволение». Ты же, Мати Божия, не имевши где главу преклонити, зане не бе места во обителех, родила Сына Своего Первенца в вертепе, и повила Его пеленами, и положила Его в яслех. Темже, скорбь сердца Твоего ведуще, вопием Ти:
Радуйся, дыханием Своим Сына Своего возлюбленнаго согревшая; радуйся, Превечнаго Младенца пеленами повившая.
Радуйся, Носителя вселенныя млеком Своим питавшая; радуйся, вертеп в небо обратившая.
Радуйся, престол херувимский соделавшаяся; радуйся, в рождестве и по рождестве Дева пребывшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 2
В идяще Превечнаго Младенца повита лежаща в яслех, пришедше, поклонишася Ему пастыри вифлеемстии и глаголаша реченное им ангелы о Отрочати. Мариам же соблюдаше вся глаголы сия в сердце Своем. По прошествии же осьми дней обрезан бе Иисус по закону Израилеву, яко Человек. Воспевающе смирение и терпение Твое, Богородице, поем Вечному Богу: Аллилуиа.
Р азум имуще в Бозе утвержденный и соблюдающе Закон Господень, в четыредесятый день, егда исполнишася дние очищения, вознесота Иисуса во Иерусалим родителие Его, еже поставити Его пред Господем и дати за Него жертву по реченному в Законе Господнем; мы же вопием Богородице сице:
Радуйся, Создателя вселенныя во исполнение Закона в храм Иерусалимский принесшая; радуйся, тамо старцем Симеоном радостно сретенная.
Радуйся, Едина Чистая и Благословенная в женах; радуйся, крест Твой, скорбьми преукрашенный, во смирении несшая.
Радуйся, волю Божию николиже преслушавшая; радуйся, образ терпения и смирения нам Собою явившая.
Радуйся, сосуде, исполненный благодати Духа Святаго; радуйся, рождшая Сына Единороднаго Отца Небеснаго.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 3
С илою свыше укрепляема была еси, Мати Божия, егда услышала еси словеса праведнаго старца Симеона: «Се, лежит Сей на падение и на востание многим во Израили и в знамение пререкаемо, и Тебе же Самой душу пройдет оружие, яко да открыются от многих сердец помышления». Обаче скорбь велия пронзе сердце Богородицы, и возопи Сия Богу: Аллилуиа.
И мея тщание погубити Отроча, посла Ирод избити вся дети, сущия в Вифлееме и пределех его, от двою лету и нижайше, по времени, еже испыта от волхвов. И се, повелением Божиим, данным чрез ангела во сне старцу Иосифу, бежа все Святое Семейство во Египет и пребысть тамо седмь лет до смерти Ирода. Темже со умилением воспоем Ти, Богородице:
Радуйся, всю тесноту странствия понесшая; радуйся, яко вси идоли падоша в стране Египетстей, не возмогше терпети крепости Сына Твоего.
Радуйся, с нечестивыми язычники пребывавшая; радуйся, из Египта с Первенцем Отроком и Своим обручником в Назарет пришедшая.
Радуйся, со старцем Иосифом древоделом в нищете жившая; радуйся, все время Свое в трудех провождавшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 4
Б уря скорби обдержа Пречистую Матерь, егда возвращающимася има из Иерусалима не обретоша в пути Отрока Иисуса. Сего ради возвратистася во Иерусалим, взыскающе Его. И бысть по триех днех, обретоста Его в церкви, седящаго посреде учителей, и послушающаго их, и вопрошающаго их. И рече к Нему Мати Его: «Чадо, что сотвори нама тако? Се отец Твой и Аз, боляще, искахом Тебе.» И рече к нима Иисус: «Что яко искасте Мене? Не весте ли, яко в тех, яже Отца Моего, достоит быти Ми?» Ты же, Пречистая, соблюдала еси глаголы сия в сердце Своем, вопиющи Богу: Аллилуиа.
У слышала еси, Мати Божия, яко Иисус прохождаше всю Галилею, уча на сонмищих, проповедуя Евангелие Царствия и исцеляя всяк недуг и всякую язю в людех. И изыде слух о Нем по всей стране, и приведоша к Нему вся болящия различными недуги и страстьми, одержимыя бесы и разслабленныя, и исцели их. Ты же, Мати Божия, ведущи пророчество, скорбящи сердцем, познавала еси, яко вскоре приидет час, егда Сын Твой принесет Себе в жертву за грехи мира. Темже ублажаем Тя, многоскорбная Мати Божия, вопиюще:
Радуйся, Сына Своего на служение народу иудейскому отдавшая; радуйся, скорбная сердцем, но покорная воли Божией.
Радуйся, мир от потопа греховнаго спасшая; радуйся, главу древняго змия стершая.
Радуйся, Себе в жертву Богу принесшая; радуйся, Господь с Тобою, Благословенная.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 5
Ц арствие Божие на земли проповедуя, обличаше Иисус гордость фарисеев, мневших себе праведники быти. Темже слышаще притчи Его, разумеша, яко о них глаголет, и искаша взяти Его, но убояшася народа, понеже яко пророка Его имеяху; сия вся ведающи, скорбящи Богородица о Сыне Своем возлюбленнем, страдаше, да не убиют Его, обаче вопиюще Богу: Аллилуиа.
В идевше неции от иудей воскрешение Лазаря, идоша к фарисеем и рекоша им, яже сотвори Иисус; и рече им Каиафа, архиерей сый лету тому: «Уне есть нам, да един человек умрет за люди, а не весь народ погибнет». И от сего дне совещаша, да убиют Его. Мы же вопием Ти, Пречистая:
Радуйся, Спасителя мира рождшая; радуйся, спасения нашего главизно.
Радуйся, от рождения в Матерь Спасу нашему предызбранная; радуйся, Мати Божия, обреченная на страдание.
Радуйся, Благословенная, Царица Небесная соделавшаяся; радуйся, выну за ны молящаяся.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 6
П режде проповедник слова Божия, последи же предатель, Иуда Искариотский, един от обоюнадесяте апостолов, иде ко архиереом, предати хотя Учителя своего; они же, слышавше, обрадовашася и обещаша ему сребренники дати. Ты же, Богомати, скорбящи о Сыне Своем возлюбленнем, вопияла еси горце Богу: Аллилуиа.
В озсияла есть последняя вечеря учеником Христовым, на нейже Учитель умы нозе им, образ смирения показуя, и рече им: «Един от вас предаст Мя, ядый со Мною». Мы же, горю Матери Божией сострадающе, воспеваем Ей:
Радуйся, Мати Божия, мукою сердечною истомленная; радуйся, вся претерпевшая в юдоли сей многоскорбней.
Радуйся, в молитве успокоение находившая; радуйся, всех скорбящих Радосте.
Радуйся, утоление наших печалей; радуйся, из тины греховныя нас спасающая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 7
Х отяй явити любовь Свою к роду человеческому Господь наш Иисус Христос на Тайней вечери, благословив и преломив хлеб, даде Своим учеником и апостолом, рек: «Приимите, ядите, сие есть тело Мое» и, прием чашу и хвалу воздав, даде им, глаголя: «Сия есть кровь Моя Новаго Завета, яже за многия изливаемая во оставление грехов». Благодаряще Милостиваго Бога за милосердие Его к нам неизреченное, поем Ему: Аллилуиа.
Н овое знамение милости Своея яви Господь учеником Своим, обещая им послати инаго Утешителя - Духа истины, Иже от Отца исходит, да свидетельствует о Нем. Тебе же, Матери Божией, паки освященней Духом Святым в день Пятьдесятницы, вопием сице:
Радуйся, Духа Святаго обиталище; радуйся, чертоже всесвятый.
Радуйся, пространное селение Бога Слова; радуйся, Бисер Божественный произведшая.
Радуйся, рождеством Твоим райския двери нам отверзающая; радуйся, знамение милости Божией нам Собою явившая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 8
С транно и прискорбно нам слышати, яко лобзанием предаде Учителя своего и Господа Иуда Искариотский. Спира же и тысящник и слуги архиерейстии взяша Иисуса и связаша Его, и ведоша к первосвященнику Анне первее, посем же к Каиафе архиереови. Матерь же Божия, смертнаго совета на Сына Своего возлюбленнаго ожидающи, вопияше Богу: Аллилуиа.
В си иудеи ведоша Иисуса от Каиафы в претор к Пилату, глаголюще Его злодея быти. Пилат же вопроси Его и глагола им, яко ни единыя вины обрете в Нем. Мы же Матери Божией, поношения Сына Своего видящей, умильно вопием:
Радуйся, сердце горем истерзанное имевшая; радуйся, слезы о Сыне Своем проливавшая.
Радуйся, Чадо Свое любимое на судилище преданное зревшая; радуйся, вся претерпевшая без ропота, яко раба Господня.
Радуйся, стенящая и рыдающая; радуйся, Царице небесе и земли, приемлющая молитвы раб Своих.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 9
В си роди блажат Тя, честнейшую Херувим и славнейшую без сравнения Серафим, Владычицу и Матерь Избавителя нашего, рождеством Своим радость всему миру принесшую, последи же скорбь велию имевшую, видящи Сына Своего возлюбленнаго на поругание, биение и смерть преданнаго. Мы же умиленное пение приносим Ти, Пречистая, вопиюще Всемогущему Богу: Аллилуиа.
В итии многовещаннии не возмогут изрещи всех страданий, Тобою пренесенных, Спасе наш, егда воини, сплетше венец из терния и возложивше на главу Твою, и в ризу багряну облекше Тя, глаголаху: «Радуйся, Царю Иудейский», и бияху Тя по ланитома. Мы же, Мати Божия, страдания Твоя познавающе, вопием Ти:
Радуйся, Сына Своего биеннаго зревшая; радуйся, багряницею и терновым венцем одеяннаго зревшая.
Радуйся, Егоже млеком Своим питала еси, терзаемаго видевшая; радуйся, страданием Его спострадавшая.
Радуйся, всеми ученики Его оставленнаго видевшая; радуйся, неправедными судиями Его осужденнаго зревшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 10
С пасти хотя Иисуса, рече Пилат иудеем: «Есть же обычай вам, да единаго вам отпущу на Пасху. Хощете ли убо, да отпущу вам Царя Иудейска?» Но вси возопиша, глаголюще: «Не Сего, но Варавву». Прославляюще милосердие Отца Небеснаго, Иже тако возлюби мир, яко Сына Своего Единороднаго отдал есть на крестную смерть, да искупит ны от вечныя смерти, вопием Ему: Аллилуиа.
С тена и ограждение буди нам, Владычице, изнемогающим от скорби и болезни. Ты бо и Сама страдала еси, слышащи иудеев, вопиющих: «Распни, распни Его!» Ныне же услыши нас, вопиющих Ти:
Радуйся, Мати милосердия, отъемлющая всякую слезу от люте страждущих; радуйся, слезу умиления нам подающая.
Радуйся, погибающих грешников спасающая; радуйся, предстательство христиан непостыдное.
Радуйся, от страстей нас избавляющая; радуйся, сердцу сокрушенному отраду подающая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 11
П ение всеумиленное Спасителю мира приносим, на вольное страдание шедшему и крест Свой несшему. Воини же, пришедше на Голгофу, пропяша Его. Стояху при кресте Иисусове Мати Его, и сестра Матере Его - Мария Клеопова, и Мария Магдалина. Иисус же, видев Матерь и ученика стояща, егоже любляше, глагола Матери Своей: «Жено, се сын Твой»; потом глагола ученику: «Се Мати твоя». И от того часа поят Ю ученик во свояси. Ты же, Мати Божия, обезчещенна видящи на кресте Сына и Господа, терзалася еси, вопиющи Богу: Аллилуиа.
С ыне Мой и Боже Предвечный, Творче всех тварей, Господи! Како терпиши на кресте страсть, - Чистая Дева, плачущи, глаголаше. - О страшнем Твоем Рождестве, Сыне Мой, паче всех матерей возвеличена бых, но увы Мне: ныне Тя видящи, распаляюся утробою». Мы же, слезы проливающе и Тебе внемлюще, вопием Ти:
Радуйся, радости и веселия лишенная; радуйся, вольная страдания Сына Твоего на кресте видевшая.
Радуйся, Чадо Свое возлюбленное уязвленным зревшая; радуйся, Агнца, на заклание ведомаго, Мати.
Радуйся, Избавителя язв душевных и телесных язвами покрытаго видевшая; радуйся, Сына Своего воскресшаго из мертвых зревшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 12
Б лагодать подаждь нам, Спасе Всемилостивый, на Кресте дух Свой испустивый и согрешений наших рукописание растерзавый. «Се, свете Мой сладкий, надеждо и животе Мой благий, Боже Мой, угасл еси на Кресте», - Дева, стенящи, глаголаше. Потщися, Иосифе, к Пилату приступити и проси его сняти с древа Учителя своего уязвленнаго: «Даждь ми Сего страннаго, Иже не имать где главы преклонити». Богоматерь же, видевши Сына Своего безславна, нага на древе, возопи: «Увы Мне, Чадо Мое, увы Мне, свете Мой, душу пройде Мне оружие по речению праведнаго старца Симеона». Мы же, Пречистей Деве состраждуще, вопием Богу: Аллилуиа.
П оюще милосердие Твое, Человеколюбче, покланяемся богатству милости Твоея, Владыко. «Создание Твое спасти хотя, смерть подъял еси, - рече Пречистая, - но Воскресением Твоим, Спасе, помилуй всех нас». Мы же Богородице, о нас молящейся, вопием:
Радуйся, мертваго зрящая, бездыханна Преблагаго Господа; радуйся, лобзавшая тело Сына Твоего возлюбленнаго.
Радуйся, Света Своего сладкаго нага и уязвленнаго Мертвеца зревшая; радуйся, Сына Своего гробу предавшая.
Радуйся, плащаницею новою тело Его обвившая; радуйся, Воскресение Его видевшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 13
О Всепетая Мати, изнемогающая от скорби у креста Сына Твоего и Бога! Внемли воздыханием и слезам нашим, умягчи злая сердца, востающая на нас, избави от скорби, болезней и вечныя смерти всех уповающих на неизреченное Твое милосердие и вопиющих Богу: Аллилуиа.
Этот кондак читается трижды, затем 1-й икос «Ангел возвести …» и 1-й кондак «Избранной Деве Марии …».
Молитва первая
О многоскорбная Мати Божия, превышшая всех дщерей земли по чистоте Своей и по множеству страданий, Тобою на земли пренесенных! Приими многоболезненныя воздыхания наша и сохрани нас под кровом Твоея милости. Инаго бо прибежища и теплаго предстательства, разве Тебе, не вемы, но, яко дерзновение имущи ко Иже от Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати хвалу в Троице Единому Богу, всегда, ныне, и присно, и во веки веков. Аминь.
Молитва вторая
О кто не ублажит Тя, Дево Благодатная, кто не воспоет Твое милосердие к роду человеческому. Тебе молимся, Тебя просим: не остави нас, во зле погибающих, раствори любовию сердца наша и ко врагам нашим пошли стрелу Свою, да уязвляет сердца наша миром к гонящим нас. Аще мир нас ненавидит - Ты простри любовь Свою к нам, аще мир нас гонит - Ты приими нас. Подаждь нам Благодатную силу терпения - без ропота перенести испытания, в мире сем бываемая. О Госпоже! Умягчи сердца злых человеков, восстающих на нас, да не погибнут сердца их во зле, но умоли, Благодатная, Сына Твоего и Бога нашего, да умирит сердца их миром, диавол же - отец злобы - да посрамится! Мы же, воспевающе милосердие Твое к нам, злым, непотребным, воспоем Ти, о Пречудная Госпоже Дево Благодатная: услыши нас в час сей, сокрушенная сердца имущих, огради нас миром и любовию друг ко другу и ко врагом нашим, искорени от нас всякую злобу и вражду, да воспоем Тебе и Сыну Твоему, Господу Иисусу Христу нашему: Аллилуиа! Аллилуиа! Аллилуиа!
В осприемши души человеческия и утоливши злый совет, сокруши, Богомати Владычице, и разгони тьму прегрешений, и нас настави на путь смирения, яко да и мы будем во свете дел ходити, и Твоея иконы явлению торжествовати, и на помощь Твою уповати, и умильным гласом звати, Владычице, из глубины: помози, Едина Благословенная.
У мягчи наша злая сердца, Богородице, и напасти ненавидящих нас угаси, и всякую тесноту души нашея разреши, на Твой бо святый образ взирающе, Твоим страданием и милосердием о нас умиляемся и раны Твоя лобызаем, стрел же наших, Тя терзающих, ужасаемся. Не даждь нам, Мати Благосердая, в жестокосердии нашем и от жестокосердия ближних погибнути, Ты бо еси воистину злых сердец умягчение.
О ко сердца моего смущают, и злый совет разоряет мя, сих сокруши, Дево Чистая, и не презри мое воздыхание, и супостаты на нас умягчи, Преблагословенная Владычице.
Б лагодатию Твоею, Владычице, умягчи сердца злодеев, низпосли благодетелей, соблюдающи их от всякого зла, благомолящимся Ти усердно пред честными иконами Твоими.
В еличаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.
Иконы помогают нам общаться со святыми Первообразами. Первые изображения Богородицы были написаны ещё во II веке. Издавна повелось величать Богородицу по имени конкретной иконы и писать к разным образам отдельные молитвы. В православной церкви есть немало чудотворных изображений Божественной Матери. Иконы с изображением Пречистой, раскрывающие смысл какого-либо эпитета и воспевающие Её, называются Акафистными.
Святой Симеон 300 лет ждал на земле встречи со Спасителем. В церкви на сороковой день от рождения Иисуса Христа Симеон Богоприимец принял Спасителя и поведал, что Богородица будет очень страдать, увидит мучения Сына. В честь ознаменования этой встречи у правовлавных христиан есть праздник, которые называется Сретение.
На сюжет «Симеонова проречения» более 500 лет назад и была написана икона Божьей Матери «Семистрельная». Она была обнаружена на севере Руси, недалеко от Вологды. Некому больному и хромому крестьянину голос во сне сказал, что на колокольне Иоанно-Богословской церкви недалеко от Вологды он найдёт чудесный образ Богоматери. После обретения образа и молитв к нему стали происходить чудеса, и крестьянин тот исцелился. Это первое зафиксированное чудо.
Чудесные проявления от образа Божьей Матери «Семистрельная» происходят уже на протяжении пяти веков. Как раньше, так и сейчас, Пречистая не оставляет людей без помощи:
- Доподлинно известно, что в 1830 году образ спас от холеры Вологду, когда люди обошли её с иконой крёстным ходом. После чудесного спасения вологжане заказали список с этого образа в свою Дмитриевскую церковь. От неё тоже начали происходить чудеса, которые дарила молитва семистрельной Божьей матери .
- В канун 2014 года в Волгограде прогремели взрывы. В городе было очень неспокойно, люди были сильно напуганы. В мэрии решили пригласить в город чудотворный образ Семистрельной и 31 декабря облетели с нею город на самолете. Первого января в Казанский кафедральный собор Волгограда пришло очень много людей: помолиться к образу. В городе стало намного спокойнее. Это уже современное чудо.
В Москве в храме Михаила Архангела, что на Девичьем поле, находится мироточивый чудотворный образ Пресвятой Богородицы Семистрельной. В храме каждый день собирается множество верующих людей, просящих о помощи и получающих заступничество Пресвятой Богородицы.
Изображена Пречистая Дева с наклонённой вправо головой, руками указывая на раны в сердце от семи обоюдоострых клинков. Три клинка расположены справа и четыре -слева от образа Богоматери. Богородица облачена в омофор красного цвета, который символизирует страдания Божьей Матери, видящей мучения сына, пронзённого гвоздями и копьём.
На этот же сюжет написана и другая известная всем икона «Умиление злых сердец», но на ней мечи изображены по три с каждой стороны от Пречистой и один снизу. До сих пор неизвестно, когда она появилась на Юго-западе Руси. Православные христиане эти образы особо не различают, относятся к ним с одинаковым почтением и величают иконой Семистрельной Божьей Матери.
Образ чудотворной иконы «Семистрельной» - настоящий оберег, который должен быть в каждом доме. Лучше поместить образ на стену напротив входной двери, чтобы люди со злыми помыслами
не смогли войти в дом. Желательно накрыть её рушником и обязательно содержать в чистоте. Нельзя вешать рядом с ней фотографии или талисманы.
Икона спасёт дом от любых нападений. Основная её задача - улучшать отношения враждующих людей. С появлением в доме Семистрельной иконы жизнь станет радостнее и спокойнее. Очень хорошо иметь такую икону и на работе: она поможет в разрешении конфликтов между людьми.
Молитва перед иконой изменяет отношения между враждующими людьми, убирает неприязнь . Акафист «Умягчение злых сердец» читается не только при больших конфликтах и войнах, но и при ссоре с близкими. Есть немало свидетельств о помощи Акафиста Пресвятой Богородице Семистрельной при болезнях и эпидемиях. Имеются свидетельства и о том, что рушником, приложенным к святому образу и пропитанным миром, исцелялись от рака.
Но чаще всего к ней обращаются:
- за умилением сердец своих врагов;
- за усмирением и облегчением своих душевных мук при тяжёлых испытаниях;
- с молитвой о любви и мире в семье;
- за защитой от злости, ненависти, нападения;
- во время эпидемий;
- с просьбой о выздоровлении;
- с молитвой облегчить скорбь;
- за избавлением от искушения;
- за помощью в преодолении тягот и трудностей.
Если наблюдать со стороны за людьми, которые произносят Акафист Семистрельной Божьей Матери, слушать его - большое облегчение при душевных переживаниях. Молитва поможет
, когда одиноко и все очень плохо. Текст молитвы «Семистрельной Божьей Матери, умягчение злых сердец» желательно знать наизусть. Канон Пресвятой Богородице «Умягчение Злых Сердец» заказывается в храме. Можно читать молитву и тропарь у иконы Богородицы дома. После произнесения последней фразы молитвы нужно изложить просьбу о разрешении ситуации своими словами. Искренние душевные слова
- мощное оружие для решения всех проблем.
Умирая, Богородица обещала, что не оставит людей без своей помощи и постоянно доказывает своё обещание творимыми чудесами. Считается, что Пречистая больше бывает на земле, чем на Небе . Вечная заступница идёт к тем, кто больше всего нуждается в помощи и защите. Икона Акафист Пресвятой Богородицы Семистрельная - одна из самых почитаемых русских святынь. Святую Русь называют Домом Пресвятой Богородицы.
Святая икона Божией Матери Семистрельная, текст акафиста которой посвящен страданиям Пречистой Девы, своей иконографией очень напоминает чудотворный образ Умягчение двух сердец, или, как его еще называют, Симеоново проречение. Единственным отличием Семистрельной иконы является расположение копий, символически пронзающих – на ней все они изображены по правую и левую Ее руки, а на Умягчении злых сердец одно из копий расположено снизу. Христианский акафист Семистрельной иконе посвящен не только немыслимой доброте и заступничеству Матери Иисуса Христа, но и напрямую связан с событием, которое в православной церкви получило название Сретения Господня.
Христианский акафист Семистрельной иконе читают для примирения враждующих
Праздник Сретения Господня, заложенный в основу православного акафиста Семистрельной иконе Божией Матери, считается одновременно господским (посвященным Иисусу Христу) и богородичным. Он подробно описан в Евангелии: на сороковой день после Рождества Христова Мария и Иосиф отправились в Иерусалимский храм, чтобы принести Богу жертву за первенца, как это было принято в иудейском обществе. У входа в храм их встретил старец Симеон, которому на тот момент было около 300 лет, и, взяв Иисуса на руки, произнес, что Младенец этот – ожидаемый всеми Мессия. В православном акафисте Семистрельной иконе Богородицы говорится, что встреча эта была не простая – когда-то давно Симеон усомнился в пророчестве, касающемся рождения Христа, и Бог пообещал ему, что он увидит Его своими глазами.
Читать акафист Божьей Матери Семистрельной умягчения злых сердец на Руси было принято от врагов
Автор акафиста Семистрельной иконе пишет, что после этого праведный Симеон обратился к Пречистой Деве, и произнес, что душу Ей пройдет оружие, подразумевая при этом страдания, которые испытает Богородица, глядя на то, как ее Сына сначала возвысят, затем отвергнут, будут пытать и в итоге распнут. Копья, изображенные на чудотворном образе, направленные в сердце Божией Матери – визуальное воплощение этих слов Симеона. Читать акафист Семистрельной иконе Богородицы можно в любое время по велению души, а также 27 августа, в день ее особого почитания и празднования.
Слушать на видео акафист Семистрельной иконе Пресвятой Богородицы
Православный текст акафиста Семистрельной иконе Богоматери на русском языке
Избранней Деве Марии, превысшей всех дщерей земли, Матери Сына Божия, Его же даде спасению мира, со умилением взываем: воззри на многоскорбное житие наше, воспомяни скорби и болезни, ихже претерпела еси, яко наша земнородная, и сотвори с нами по милосердию Твоему да зовем Ти:
Ангел, возвестивый пастырем Вифлеемским о Рождестве Спасителя мира, и с ним множество небесных сил восхвалиша Бога, поюще: «Слава в вышних Богу, и на земли мир, в человецех благоволение». Ты же, Мати Божия, не имевшая где главу преклонити, зане не бе места во обителех, роди Сына Своего Первенца в вертепе и, повив Его пеленами, положи в яслех; тем скорбь сердца Твоего познавая, вопием Ти:
Радуйся, дыханием Своим Сына Своего возлюбленнаго согревшая
Радуйся, Предвечнаго Младенца пеленами повившая.
Радуйся, Носителя вселенныя млеком Своим питавшая;
Радуйся, вертеп в небо обратившая.
Радуйся, престолом херувим соделавшаяся;
Радуйся, в рождестве и по рождестве Девою пребывшая.
Радуйся, многоскорбная Мати Божия, печаль нашу в радость претворяющая.
Видя Предвечнаго Младенца, повита лежаща в яслех, пришедше поклонишася Ему пастыри Вифлеемстии и сказаша о глаголе, глаголанном им Ангелом о Отрочати, Мариам же соблюдаше вся глаголы сия в сердце Своем; по прошествии же семи дней бе обрезан Иисус по закону Израильскому, яко человек осьмодневен; воспевая смирение и терпение Твое, Богородице, поем вечному Богу: Аллилуиа.
Разум имея в Боге утвержденный и соблюдаяй закон Господень, в четыредесятый день, егда исполнилися дни очищения, вознесоста Иисуса во Иерусалим родители Его, дабы поставить Его пред Господом и дати за Него жертву по реченному в Законе Господнем; мы же вопием Тебе сице:
Радуйся, Создателя вселенныя во исполнение закона во храм Иерусалимский принесшая;
Радуйся, тамо старцем Симеоном радостно сретенная.
Радуйся, Едина Чистая и Преблагословенная в женах;
Радуйся, Крест Свой, скорбями преукрашенный, во смирении несшая.
Радуйся, воли Божией николиже преслушавшая;
Радуйся, образ терпения и смирения собою явившая.
Радуйся, сосуде, исполненный благодати Духа Святаго.
Радуйся, многоскорбная Мати Божия, печаль нашу в радость претворяющая.
Силою свыше была еси укрепляема, Мати Божия, егда услыша словеса старца Симеона глаголюща: «Се, лежит Сей на падение и на востание многим во Израили, и в знамение пререкаемо, и Тебе же Самой душу пройдет оружие, яко да открыются от многих сердец помышления»; и скорбь велия пронзи сердце Богородицы, и возопи в горести Богу: Аллилуиа.
Имея тщание погубити Отроча, посла Ирод избити вся дети, сущия в Вифлееме и пределех его от двою лета и нижайше, по времени еже испыта от волхвов и се по повелению Божию, данному чрез Ангела во сне старцу Иосифу, бежа все святое семейство во Египет и пребысть тамо седмь лет до смерти Ирода. Тем же со умилением вопием Ти:
Радуйся, всю тесноту странствия понесшая;
Радуйся, яко все идоли падоша в стране Египетской не возмогше терпети крепости Сына Твоего.
Радуйся, с нечестивыми язычники седмь лет пребывшая;
Радуйся, с Предвечным Младенцем-Отроком и со Своим Обручником в Назарет пришедшая.
Радуйся, со старцем Иосифом древоделом в нищете жившая;
Радуйся, все время Свое в трудах проводившая.
Радуйся, многоскорбная Мати Божия, печаль нашу в радость претворяющая.
Буря скорби обдержа Пречистую Матерь, егда возвращающимся има из Иерусалима не обретоша в пути Отрока Иисуса. Сего ради возвращшеся взыскающе Его, и бысть по триех днех обретоша Его в церкви, седяща посреде учителей и послушающа их и вопрошающа их. И рече к Нему Мати его: «Чадо, что сотвори намо тако? Се Отец Твой и Аз боляще искахом Тебе?» И рече к нима: «Что яко искаста Мене, не веста ли яко в тех, яже Отца Моего суть достоит быти Ми»; и Мати Его соблюдаше вся глаголы сия в сердце своем, вопиющи Богу: Аллилуиа.
Услыша Мати Божия, яко Иисус прохождаше всю Галилею, уча на сонмищах их, проповедаяй Евангелие Царствия и исцеляя всяк недуг и всяку язву в людех, и изыде слух по всей Сирии и приведоша к Нему болящия различными недузи и страстьми одержимыя и бесами, и расслабленныя и исцеляше их. Ты же, Мати Божия, ведущи пророчества, скорбела сердцем, познавая, яко вскоре приидет час, егда Сын Твой принесет Себе в жертву за грехи мира. Темже ублажаем Тя, многострадальная Мати Божия, вопиюще:
Радуйся, Сына Своего на служение народу иудейскому отдавшая;
Радуйся, скорбная сердцем, но покорная воле Божией.
Радуйся, мир от потопа греховнаго спасшая;
Радуйся, главу древнего змия стершая.
Радуйся, Себе в жертву живу Богу принесшая;
Радуйся, Господь бо с Тобою, Благословенная.
Радуйся, многоскорбная Мати Божия, печаль нашу в радость претворяющая.
Божие Царство на земли проповедуя, гордость фарисей, мнивших себя праведными быти. Тии же, слушая притчи Его, разумеша, яко о них глаголет, и искаша яти Его, но убояшася народа, понеже яко пророка Его имеяху; сие все ведая, скорбяше Богородица о Сыне возлюбленном, страшася, да не убьют Его, в горести вопиюще: Аллилуиа.
Видевше нецыи от иудеев воскресение Лазаря, идоша к фарисеем и рекоша им, яже сотвори Иисус, и рече Каиафа, архиерей сый лету тому: «Уне есть нам, да един человек умрет за люди, а не весь язык погибнет»; от того дня совещашася, да убиют Его; мы же вопием Тебе, Пречистая:
Радуйся, Спасителя мира рождшая;
Радуйся, спасения нашего главизна.
Радуйся, от рождения Матерью Спасу нашему предызбранная;
Радуйся, Мати Божия, обреченная на страдание.
Радуйся, Благословенная, Царицею Небесною соделавшаяся;
Радуйся, выну за нас молящаяся.
Радуйся, Многоскорбная Мати Божия, печаль нашу в радость претворяющая.
Прежде проповедник слова Божия, послежде предатель — Иуда Искариотский, един от обоюнадесяти Апостолов, иде ко архиереом предати Учителя своего; они же слышавше, обрадовашася зело и обещаша ему сребреники дати; Ты же, Мати Божия, скорбящи о Сыне Своем возлюбленном, вопияла горце Богу: Аллилуиа.
Возсия последняя вечеря учеником Христовым, на ней же Учитель умы нози има, образ смирения тем показуя, и рече им: «Един от вас предаст Мя, ядый со Мною». Мы же, горю Матери Божией сострадая, вопием Ей:
Радуйся, Мати Божия, мукой сердечной истомленная;
Радуйся, вся претерпевшая во юдоли сей многоскорбней.
Радуйся, в молитве успокоение находившая;
Радуйся, всех скорбящих радосте.
Радуйся, утоление наших печалей;
Радуйся, из тины греховныя нас спасающая.
Радуйся, многоскорбная Мати Божия, печаль нашу в радость претворяющая.
Хотяй явити любовь свою к роду человеческому Господь Иисус Христос на Тайной Вечери, благословив и преломив хлеб, даде Своим учеником и апостолом, рек: «Приимите, ядите, сие есть Тело Мое»; и прием чашу и хвалу воздав, даде им, глаголя: «Пийте от нея вси, сия есть Кровь Моя Новаго Завета, яже за многия изливаемая во оставление грехов». Благодаряще милостиваго Бога за милосердие Его к нам неизреченное, поем Ему: Аллилуиа.
Новое знамение милости Своей яви Господь ученикам Своим, егда обеща послати им Утешителя Духа Истины, Иже от Отца исходит и будет свидетельствовать о Нем. Тебе же, Матери Божией, дважды освященной Святым Духом, вопием:
Радуйся, Духа Святаго обиталище;
Радуйся, чертоже всесветлый.
Радуйся, пространное селение Бога Слова;
Радуйся, бисер Божественный произведшая.
Радуйся, Рождеством Твоим райския двери нам отверзающая;
Радуйся, знамение милости Божией Собою нам явившая.
Радуйся, многоскорбная Мати Божия, печаль нашу в радость претворяющая.
Странно и прискорбно нам слышати, яко лобзанием предаде Учителя своего и Господа Иуда Искариотский, спира же и тысячник и слуги иудейския яша Иисуса и связаша Его, и ведоша к первосвященнику Анне перве, посем же к Каиафе архиереови. Мати же Божия, смертнаго совета Сына Своего возлюбленнаго ожидая, : Аллилуиа.
Все иудеи ведоша Иисуса от Каиафы в претор к Пилату, глаголюще Его злодеем быти. Пилат же, вопросив Его, глагола им, яко ни единая вины обретает в Нем; мы же вопием Ти:
Радуйся, сердце, горем истерзанное, имевшая;
Радуйся, слезы о Сыне Своем проливавшая.
Радуйся, все претерпевшая без ропота, яко раба Господня;
Радуйся, стенящая и рыдающая.
Радуйся, Царице Небеси и земли, приемлющая молитвы раб Своих.
Радуйся, многоскорбная Мати Божия, печаль нашу в радость претворяющая.
Вси роди блажат Тя, честнейшую Херувим и славнейшую без сравнения Серафим, Владычицу и Матерь Избавителя нашего, Рождеством своим радость всему миру принесшую, послежде скорбь велию имевшую, видящи Сына Своего возлюбленнаго на поругание и биение и смерть преданнаго, мы же умиленное пение приносим Ти, Пречистая, поюще Всемогущему Богу: Аллилуиа.
Ветии многовещанныя не возмогут изрещи всех страданий, Тобою перенесенных, Спасе наш, егда воины сплетше венец из терния на главу Твою и в ризу багряну облекоша, глаголаху: «Радуйся, Царю Иудейский»; и бияху Тя по ланитам. Мы же, Мати Божия, страдания Твоя познавая, вопием Ти:
Радуйся, Его же млеком Своим питала еси, терзаемаго видевшая;
Радуйся, багряницею и терновным венцем одеяннаго зревшая.
Радуйся, страданием Его спострадавшая;
Радуйся, всеми учениками Его оставленнаго видевшая.
Радуйся, неправедными судиями Его осужденнаго зревшая.
Радуйся, многоскорбная Мати Божия, печаль нашу в радость претворяющая.
Спасти хотя Иисуса, рече Пилат иудеом: «Есть обычай нам, да единаго вам отпущу, хощете ли убо отпущу вам Царя Иудейскаго?» Вси же возопиша, глаголюще: «Не Его, но Варраву!» Воспевая милосердие Божие, отдавшаго на крестную смерть, да искупит ны от вечныя смерти, вопием Ему: Аллилуиа.
Стена и ограждение буди нам, Владычице, изнемогающим от скорби и болезней. Ты бо и Сама страдала еси, слышащи иудеев, вопиющих: «Распни Его!» Ныне же услыши нас, вопиющих Ти:
Радуйся, Мати Милосердия, отъемлющая всяку слезу от люте страждущих;
Радуйся, слезу умиления нам подающая.
Радуйся, погибающих грешников спасающая;
Радуйся, предстательство христиан непостыдное.
Радуйся, от страстей нас избавляющая;
Радуйся, сердцу сокрушенному отраду подающая.
Радуйся, многоскорбная Мати Божия, печаль нашу в радость претворяющая.
Пение всеумиленное приносим Спасителю мира, на вольное страдание шедшу и Крест свой несшу на Голгофу пропяти Его; стояху при Кресте Иисусове Мати Его, Мария Клеопова и Мария Магдалина. Иисус же, видев Матерь и ученика стояща, его же любляше, глагола Матери Своей: «Жено, се Сын Твой!» Потом глагола ученику: «Се Мати Твоя!» И от того часа поят Ю ученик восвояси. Ты, Мати Божия, видя на Кресте Сына и Господа Своего терзающися, вопияла горце Богу: Аллилуиа.
«Свете Мой, Боже превечный и Творче всех тварей, Господи, како терпиши страсти на Кресте?» — Чистая Дева плачущи глаголаше о страннем Твоем Рождестве: «Сыне Мой, паче всех матерей возвеличена бых Аз, но, увы Мне, ныне Тя видящи распята распаляюся утробою»; мы же слези проливаем, Тебе внимающе, вопием Ти:
Радуйся, радости и веселия лишенная;
Радуйся, вольная страдания Сына Своего на Кресте видевшая.
Радуйся, Чадо Свое возлюбленное уязвленным зревшая;
Радуйся, Агница, зрящи Чадо Свое, яко Агнца, на заколение ведома.
Радуйся, Избавителя язв душевных и телесных язвами покрытаго видевшая.
Радуйся, Сына Своего воскресшаго из мертвых зревшая.
Радуйся, многоскорбная Мати Божия, печаль нашу в радость претворяющая.
Благодать подаждь нам, Спасе Всемилостивый, на Кресте Дух Свой испустивый и согрешений наших рукописание раздравый. «Се, Свете Мой благий, Бог Мой угасе на Кресте» — Дево стеняще глаголаше. — «Потщися, Иосифе, к Пилату приступити и испроси сняти с древа Учителя Твоего. Уязвленнаго Тя видевше без славы нага на древе, Чадо Мое, душу Мою пройде оружие, по проречению праведнаго Симеона», — провиди Мати Божия, вопиющи: Аллилуиа.
Поюще милосердие Твое, Человеколюбче, покланяемся богатству милости Твоея, Владыко. «Создание Твое спасти хотя, смерть подъял еси», — рече Пречистая, но воскресением Твоим, Спасе, помилуй всех нас, мы же Пречистей Матери Твоей со умилением зовем:
Радуйся, мертва зряще бездыханна преблагаго Господа;
Радуйся, лобзавшая тело Сына Своего возлюбленнаго.
Радуйся, Света Своего нага и уязвленнаго мертвеца зрела еси;
Радуйся, Света Своего гробу предавшая.
Радуйся, плащаницею новою Тело Его обвившая;
Радуйся, воскресшим Его видевшая.
Радуйся, многоскорбная Мати Божия, печаль нашу в радость претворяющая.
О Всепетая Мати, изнемогавшая от скорби у Креста Сына Своего и Бога, внемли воздыханием и слезам нашим и избави от скорби, болезней и вечныя смерти всех, уповающих на неизреченное Твое милосердие и вопиющих Богу: Аллилуиа.
/Этот кондак читается три раза, затем икос 1, и кондак 1/
Молитва первая перед иконой Божьей Матери Семистрельной Умягчение злых сердец
О, Многострадальная Мати Божия, Превысшая всех дщерей земли по чистоте Своей и по множеству страданий, Тобою на земли перенесенных! Приими многоболезненныя воздыхания наша и сохрани нас под кровом . Инаго бо прибежища и теплаго предстательства, разве Тебе, не вемы, но яко дерзновение имущи ко иже из Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати в Троице Единаго Бога, всегда, ныне и присно и во веки веков. Аминь.
Молитва вторая в перед иконой Богоматери Семистрельная
О кто не ублажит Тя, Дево Благодатная, кто не воспоет Твое милосердие к роду человеческому. Тебе молимся, Тебя просим, не остави нас во зле погибающих, раствори любовию сердца наши и ко врагам нашим пошли стрелу Свою, да уязвляет сердца наши миром к гонящим нас. Аще мир нас ненавидит — Ты простри к нам, аще мир нас гонит — Ты приими нас, подаждь нам Благодатную силу терпения — без ропота перенести испытания в мире сем бываемая. О, Госпоже! Умягчи сердца злых человеков, восстающих на нас, да не погибнут сердца их во зле, — но умоли, Благодатная, Сына Твоего и Бога нашего, да умирит сердца их миром, дьявол же — отец злобы — да посрамится! Мы же, воспевая милосердие Твое к нам, злым, непотребным, воспоем Ти, о Пречудная Госпоже Дево Благодатная, услыши нас в час сей, сокрушенныя сердца имущих, огради нас с миром и любовию друг ко другу и ко врагам нашим, искорени от нас всякую злобу и вражду, да воспоем Тебе и Сыну Твоему, Господу Иисусу Христу нашему: Аллилуиа! Аллилуиа! Аллилуиа!
Акафист. История возникновения и почитания иконы Богородицы. Древние и чудотворные иконы и современные образы...
Память иконы Пресвятой Богородицы "Семистрельная": 13 / 26 августа
Икона Божией Матери "Семистрельная". Историческая справка
На Семистрельной иконе Пресвятая Богородица изображается без Богомладенца, склонившей Свою главу к правому плечу и пронзенной в грудь семью стрелами или мечами, из которых четыре находятся с левой стороны, а три с правой. Такое изображение Божией Матери еще встречается на иконе "Умягчение злых сердец", или "Симеоново проречение", на которой только мечи расположены несколько иначе: по три справа и слева, а седьмой – снизу.
Самой Семистрельной иконе не менее 600 лет. Долгое время святой образ находился на повороте лестницы колокольни церкви в честь апостола Иоанна Богослова (близ Вологды). Обращенную ликом вниз икону принимали за обыкновенную доску, по которой ходили, пока не было видения расслабленному в городе Кадникове, что он получит исцеление после молитвы пред этой иконой. Перед обретенной иконой отслужили молебен, после чего больной выздоровел. Особенно прославилась икона в 1830 году во время свирепствовавшей в Вологде холеры.
Церковная память этой иконе совершается 13 августа (вместе со "Страстной" иконой Богородицы)
Православный церковный календарь
Акафист Пресвятой Богородице пред Ее иконой "Семистрельная"
Кондак 1
Избранной Деве Марии, превысшей всех дщерей земли, Матери Сына Божия, Еюже дается спасение мира, со умилением взываем: воззри на многоскорбное житие наше, воспомяни скорби и болезни, яже претерпела еси, яко наша земнородная, и сотвори с нами по милосердию Твоему, да зовем Ти:
Икос 1
Ангел возвести пастырем вифлеемстим о Рождестве Спасителя мира, и с ним множество воев небесных восхваляху Бога, поюще: "Слава в вышних Богу, и на земли мир, в человецех благоволение". Ты же, Мати Божия, не имевши где главу преклонити, зане не бе места во обителех, родила Сына Своего Первенца в вертепе, и повила Его пеленами, и положила Его в яслех. Темже, скорбь сердца Твоего ведуще, вопием Ти:
Радуйся, дыханием Своим Сына Своего возлюбленнаго согревшая.
Радуйся, Превечнаго Младенца пеленами повившая.
Радуйся, Носителя вселенныя млеком Своим питавшая.
Радуйся, вертеп в небо обратившая.
Радуйся, престол херувимский соделавшаяся.
Радуйся, в рождестве и по рождестве Дева пребывшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 2
Видяще Превечнаго Младенца повита лежаща в яслех, пришедше, поклонишася Ему пастыри вифлеемстии и глаголаша реченное им ангелы о Отрочати. Мариам же соблюдаше вся глаголы сия в сердце Своем. По прошествии же осьми дней обрезан бе Иисус по закону Израилеву, яко Человек. Воспевающе смирение и терпение Твое, Богородице, поем Вечному Богу: Аллилуиа.
Икос 2
Разум имуще в Бозе утвержденный и соблюдающе Закон Господень, в четыредесятый день, егда исполнишася дние очищения, вознесота Иисуса во Иерусалим родителие Его, еже поставити Его пред Господем и дати за Него жертву по реченному в Законе Господнем; мы же вопием Богородице сице:
Радуйся, Создателя вселенныя во исполнение Закона в храм Иерусалимский принесшая.
Радуйся, тамо старцем Симеоном радостно сретенная.
Радуйся, Едина Чистая и Благословенная в женах.
Радуйся, крест Твой, скорбьми преукрашенный, во смирении несшая.
Радуйся, волю Божию николиже преслушавшая.
Радуйся, образ терпения и смирения нам Собою явившая.
Радуйся, сосуде, исполненный благодати Духа Святаго.
Радуйся, рождшая Сына Единороднаго Отца Небеснаго.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 3
Силою свыше укрепляема была еси, Мати Божия, егда услышала еси словеса праведнаго старца Симеона: "Се, лежит Сей на падение и на востание многим во Израили и в знамение пререкаемо, и Тебе же Самой душу пройдет оружие, яко да открыются от многих сердец помышления". Обаче скорбь велия пронзе сердце Богородицы, и возопи Сия Богу: Аллилуиа.
Икос 3
Имея тщание погубити Отроча, посла Ирод избити вся дети, сущия в Вифлееме и пределех его, от двою лету и нижайше, по времени, еже испыта от волхвов. И се, повелением Божиим, данным чрез ангела во сне старцу Иосифу, бежа все Святое Семейство во Египет и пребысть тамо седмь лет до смерти Ирода. Темже со умилением воспоем Ти, Богородице:
Радуйся, всю тесноту странствия понесшая.
Радуйся, яко вси идоли падоша в стране Египетстей, не возмогше терпети крепости Сына Твоего.
Радуйся, с нечестивыми язычники пребывавшая.
Радуйся, из Египта с Первенцем Отроком и Своим обручником в Назарет пришедшая.
Радуйся, со старцем Иосифом древоделом в нищете жившая.
Радуйся, все время Свое в трудех провождавшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 4
Буря скорби обдержа Пречистую Матерь, егда возвращающимася има из Иерусалима не обретоша в пути Отрока Иисуса. Сего ради возвратистася во Иерусалим, взыскающе Его. И бысть по триех днех, обретоста Его в церкви, седящаго посреде учителей, и послушающаго их, и вопрошающаго их. И рече к Нему Мати Его: "Чадо, что сотвори нама тако? Се отец Твой и Аз, боляще, искахом Тебе." И рече к нима Иисус: "Что яко искасте Мене? Не весте ли, яко в тех, яже Отца Моего, достоит быти Ми?" Ты же, Пречистая, соблюдала еси глаголы сия в сердце Своем, вопиющи Богу: Аллилуиа.
Икос 4
Услышала еси, Мати Божия, яко Иисус прохождаше всю Галилею, уча на сонмищих, проповедуя Евангелие Царствия и исцеляя всяк недуг и всякую язю в людех. И изыде слух о Нем по всей стране, и приведоша к Нему вся болящия различными недуги и страстьми, одержимыя бесы и разслабленныя, и исцели их. Ты же, Мати Божия, ведущи пророчество, скорбящи сердцем, познавала еси, яко вскоре приидет час, егда Сын Твой принесет Себе в жертву за грехи мира. Темже ублажаем Тя, многоскорбная Мати Божия, вопиюще:
Радуйся, Сына Своего на служение народу иудейскому отдавшая.
Радуйся, скорбная сердцем, но покорная воли Божией.
Радуйся, мир от потопа греховнаго спасшая.
Радуйся, главу древняго змия стершая.
Радуйся, Себе в жертву Богу принесшая.
Радуйся, Господь с Тобою, Благословенная.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 5
Царствие Божие на земли проповедуя, обличаше Иисус гордость фарисеев, мневших себе праведники быти. Темже слышаще притчи Его, разумеша, яко о них глаголет, и искаша взяти Его, но убояшася народа, понеже яко пророка Его имеяху; сия вся ведающи, скорбящи Богородица о Сыне Своем возлюбленнем, страдаше, да не убиют Его, обаче вопиюще Богу: Аллилуиа.
Икос 5
Видевше неции от иудей воскрешение Лазаря, идоша к фарисеем и рекоша им, яже сотвори Иисус; и рече им Каиафа, архиерей сый лету тому: "Уне есть нам, да един человек умрет за люди, а не весь народ погибнет". И от сего дне совещаша, да убиют Его. Мы же вопием Ти, Пречистая:
Радуйся, Спасителя мира рождшая.
Радуйся, спасения нашего главизно.
Радуйся, от рождения в Матерь Спасу нашему предызбранная.
Радуйся, Мати Божия, обреченная на страдание.
Радуйся, Благословенная, Царица Небесная соделавшаяся.
Радуйся, выну за ны молящаяся.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 6
Прежде проповедник слова Божия, последи же предатель, Иуда Искариотский, един от обоюнадесяте апостолов, иде ко архиереом, предати хотя Учителя своего; они же, слышавше, обрадовашася и обещаша ему сребренники дати. Ты же, Богомати, скорбящи о Сыне Своем возлюбленнем, вопияла еси горце Богу: Аллилуиа.
Икос 6
Возсияла есть последняя вечеря учеником Христовым, на нейже Учитель умы нозе им, образ смирения показуя, и рече им: "Един от вас предаст Мя, ядый со Мною". Мы же, горю Матери Божией сострадающе, воспеваем Ей:
Радуйся, Мати Божия, мукою сердечною истомленная.
Радуйся, вся претерпевшая в юдоли сей многоскорбней.
Радуйся, в молитве успокоение находившая.
Радуйся, всех скорбящих Радосте.
Радуйся, утоление наших печалей.
Радуйся, из тины греховныя нас спасающая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 7
Хотяй явити любовь Свою к роду человеческому Господь наш Иисус Христос на Тайней вечери, благословив и преломив хлеб, даде Своим учеником и апостолом, рек: "Приимите, ядите, сие есть тело Мое" и, прием чашу и хвалу воздав, даде им, глаголя: "Сия есть кровь Моя Новаго Завета, яже за многия изливаемая во оставление грехов". Благодаряще Милостиваго Бога за милосердие Его к нам неизреченное, поем Ему: Аллилуиа.
Икос 7
Новое знамение милости Своея яви Господь учеником Своим, обещая им послати инаго Утешителя - Духа истины, Иже от Отца исходит, да свидетельствует о Нем. Тебе же, Матери Божией, паки освященней Духом Святым в день Пятьдесятницы, вопием сице:
Радуйся, Духа Святаго обиталище.
Радуйся, чертоже всесвятый.
Радуйся, пространное селение Бога Слова.
Радуйся, Бисер Божественный произведшая.
Радуйся, рождеством Твоим райския двери нам отверзающая.
Радуйся, знамение милости Божией нам Собою явившая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 8
Странно и прискорбно нам слышати, яко лобзанием предаде Учителя своего и Господа Иуда Искариотский. Спира же и тысящник и слуги архиерейстии взяша Иисуса и связаша Его, и ведоша к первосвященнику Анне первее, посем же к Каиафе архиереови. Матерь же Божия, смертнаго совета на Сына Своего возлюбленнаго ожидающи, вопияше Богу: Аллилуиа.
Икос 8
Вси иудеи ведоша Иисуса от Каиафы в претор к Пилату, глаголюще Его злодея быти. Пилат же вопроси Его и глагола им, яко ни единыя вины обрете в Нем. Мы же Матери Божией, поношения Сына Своего видящей, умильно вопием:
Радуйся, сердце горем истерзанное имевшая.
Радуйся, слезы о Сыне Своем проливавшая.
Радуйся, Чадо Свое любимое на судилище преданное зревшая.
Радуйся, вся претерпевшая без ропота, яко раба Господня.
Радуйся, стенящая и рыдающая.
Радуйся, Царице небесе и земли, приемлющая молитвы раб Своих.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 9
Вси роди блажат Тя, честнейшую Херувим и славнейшую без сравнения Серафим, Владычицу и Матерь Избавителя нашего, рождеством Своим радость всему миру принесшую, последи же скорбь велию имевшую, видящи Сына Своего возлюбленнаго на поругание, биение и смерть преданнаго. Мы же умиленное пение приносим Ти, Пречистая, вопиюще Всемогущему Богу: Аллилуиа.
Икос 9
Витии многовещаннии не возмогут изрещи всех страданий, Тобою пренесенных, Спасе наш, егда воини, сплетше венец из терния и возложивше на главу Твою, и в ризу багряну облекше Тя, глаголаху: "Радуйся, Царю Иудейский", и бияху Тя по ланитома. Мы же, Мати Божия, страдания Твоя познавающе, вопием Ти:
Радуйся, Сына Своего биеннаго зревшая.
Радуйся, багряницею и терновым венцем одеяннаго зревшая.
Радуйся, Егоже млеком Своим питала еси, терзаемаго видевшая.
Радуйся, страданием Его спострадавшая.
Радуйся, всеми ученики Его оставленнаго видевшая.
Радуйся, неправедными судиями Его осужденнаго зревшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 10
Спасти хотя Иисуса, рече Пилат иудеем: "Есть же обычай вам, да единаго вам отпущу на Пасху. Хощете ли убо, да отпущу вам Царя Иудейска?" Но вси возопиша, глаголюще: "Не Сего, но Варавву". Прославляюще милосердие Отца Небеснаго, Иже тако возлюби мир, яко Сына Своего Единороднаго отдал есть на крестную смерть, да искупит ны от вечныя смерти, вопием Ему: Аллилуиа.
Икос 10
Стена и ограждение буди нам, Владычице, изнемогающим от скорби и болезни. Ты бо и Сама страдала еси, слышащи иудеев, вопиющих: "Распни, распни Его!" Ныне же услыши нас, вопиющих Ти:
Радуйся, Мати милосердия, отъемлющая всякую слезу от люте страждущих.
Радуйся, слезу умиления нам подающая.
Радуйся, погибающих грешников спасающая.
Радуйся, предстательство христиан непостыдное.
Радуйся, от страстей нас избавляющая.
Радуйся, сердцу сокрушенному отраду подающая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 11
Пение всеумиленное Спасителю мира приносим, на вольное страдание шедшему и крест Свой несшему. Воини же, пришедше на Голгофу, пропяша Его. Стояху при кресте Иисусове Мати Его, и сестра Матере Его - Мария Клеопова, и Мария Магдалина. Иисус же, видев Матерь и ученика стояща, егоже любляше, глагола Матери Своей: "Жено, се сын Твой"; потом глагола ученику: "Се Мати твоя". И от того часа поят Ю ученик во свояси. Ты же, Мати Божия, обезчещенна видящи на кресте Сына и Господа, терзалася еси, вопиющи Богу: Аллилуиа.
Икос 11
"Сыне Мой и Боже Предвечный, Творче всех тварей, Господи! Како терпиши на кресте страсть, - Чистая Дева, плачущи, глаголаше. - О страшнем Твоем Рождестве, Сыне Мой, паче всех матерей возвеличена бых, но увы Мне: ныне Тя видящи, распаляюся утробою". Мы же, слезы проливающе и Тебе внемлюще, вопием Ти:
Радуйся, радости и веселия лишенная.
Радуйся, вольная страдания Сына Твоего на кресте видевшая.
Радуйся, Чадо Свое возлюбленное уязвленным зревшая.
Радуйся, Агнца, на заклание ведомаго, Мати.
Радуйся, Избавителя язв душевных и телесных язвами покрытаго видевшая.
Радуйся, Сына Своего воскресшаго из мертвых зревшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 12
Благодать подаждь нам, Спасе Всемилостивый, на Кресте дух Свой испустивый и согрешений наших рукописание растерзавый. "Се, свете Мой сладкий, надеждо и животе Мой благий, Боже Мой, угасл еси на Кресте", - Дева, стенящи, глаголаше. Потщися, Иосифе, к Пилату приступити и проси его сняти с древа Учителя своего уязвленнаго: "Даждь ми Сего страннаго, Иже не имать где главы преклонити". Богоматерь же, видевши Сына Своего безславна, нага на древе, возопи: "Увы Мне, Чадо Мое, увы Мне, свете Мой, душу пройде Мне оружие по речению праведнаго старца Симеона". Мы же, Пречистей Деве состраждуще, вопием Богу: Аллилуиа.
Икос 12
Поюще милосердие Твое, Человеколюбче, покланяемся богатству милости Твоея, Владыко. "Создание Твое спасти хотя, смерть подъял еси, - рече Пречистая, - но Воскресением Твоим, Спасе, помилуй всех нас". Мы же Богородице, о нас молящейся, вопием:
Радуйся, мертваго зрящая, бездыханна Преблагаго Господа.
Радуйся, лобзавшая тело Сына Твоего возлюбленнаго.
Радуйся, Света Своего сладкаго нага и уязвленнаго Мертвеца зревшая.
Радуйся, Сына Своего гробу предавшая.
Радуйся, плащаницею новою тело Его обвившая.
Радуйся, Воскресение Его видевшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 13
О Всепетая Мати, изнемогающая от скорби у креста Сына Твоего и Бога! Внемли воздыханием и слезам нашим, умягчи злая сердца, востающая на нас, избави от скорби, болезней и вечныя смерти всех уповающих на неизреченное Твое милосердие и вопиющих Богу: Аллилуиа.
Этот кондак читается трижды, затем 1-й икос "Ангел возвести …" и 1-й кондак "Избранной Деве Марии …".
Молитва первая Пресвятой Богородице пред Ее иконой "Семистрельная" и "Умягчение злых сердец"
О многоскорбная Мати Божия, превышшая всех дщерей земли по чистоте Своей и по множеству страданий, Тобою на земли пренесенных! Приими многоболезненныя воздыхания наша и сохрани нас под кровом Твоея милости. Инаго бо прибежища и теплаго предстательства, разве Тебе, не вемы, но, яко дерзновение имущи ко Иже от Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати хвалу в Троице Единому Богу, всегда, ныне, и присно, и во веки веков. Аминь.
Молитва вторая Пресвятой Богородице пред Ее иконой "Семистрельная" и "Умягчение злых сердец"
О кто не ублажит Тя, Дево Благодатная, кто не воспоет Твое милосердие к роду человеческому. Тебе молимся, Тебя просим: не остави нас, во зле погибающих, раствори любовию сердца наша и ко врагам нашим пошли стрелу Свою, да уязвляет сердца наша миром к гонящим нас. Аще мир нас ненавидит - Ты простри любовь Свою к нам, аще мир нас гонит - Ты приими нас. Подаждь нам Благодатную силу терпения - без ропота перенести испытания, в мире сем бываемая. О Госпоже! Умягчи сердца злых человеков, восстающих на нас, да не погибнут сердца их во зле, но умоли, Благодатная, Сына Твоего и Бога нашего, да умирит сердца их миром, диавол же - отец злобы - да посрамится! Мы же, воспевающе милосердие Твое к нам, злым, непотребным, воспоем Ти, о Пречудная Госпоже Дево Благодатная: услыши нас в час сей, сокрушенная сердца имущих, огради нас миром и любовию друг ко другу и ко врагом нашим, искорени от нас всякую злобу и вражду, да воспоем Тебе и Сыну Твоему, Господу Иисусу Христу нашему: Аллилуиа! Аллилуиа! Аллилуиа!
Кондак 1
Избранной Деве Марии, превысшей всех дщерей земли, Матери Сына Божия, Его же даде спасению мира, со умилением взываем: воззри на многоскорбное житие наше, воспомяни скорби и болезни, ихже претерпела еси, яко наша земнородная, и сотвори с нами по милосердию Твоему, да зовем Ти: Радуйся, многоскорбная Мати Божия, печаль нашу в радость претворяющая.
Икос 1
Ангел, возвестивый пастырем Вифлеемским о Рождестве Спасителя мира, и с ним множество небесных сил восхвалиша Бога, поюще: «Слава в вышних Богу, и на земли мир, в человецех благоволение». Ты же, Мати Божия, не имевшая где главу преклонити, зане не бе места во обителех, роди Сына Своего Первенца в вертепе и, повив Его пеленами, положи в яслех; тем скорбь сердца Твоего познавая, вопием Ти: Радуйся, дыханием Своим Сына Своего возлюбленнаго согревшая; радуйся, предвечнаго Младенца пеленами повившая. Радуйся, Носителя вселенныя млеком Своим питавшая; радуйся, вертеп в небо обратившая. Радуйся, престолом херувим соделавшаяся; радуйся, в рождестве и по рождестве Девою пребывшая. Радуйся, многоскорбная Мати Божия, печаль нашу в радость претворяющая.
Кондак 2
Видя Предвечнаго Младенца, повита лежаща в яслех, пришедше поклонишася Ему пастыри Вифлеемстии и сказаша о глаголе, глаголанном им Ангелом о Отрочати, Мариам же соблюдаше вся глаголы сия в сердце Своем; по прошествии же семи дней бе обрезан Иисус по закону Израильскому, яко человек осьмодневен; воспевая смирение и терпение Твое, Богородице, поем вечному Богу: Аллилуиа.
Икос 2
Разум имея в Боге утвержденный и соблюдаяй закон Господень, в четыредесятый день, егда исполнилися дни очищения, вознесоста Иисуса во Иерусалим родители Его, дабы поставить Его пред Господом и дати за Него жертву по реченному в Законе Господнем; мы же вопием Тебе сице: Радуйся, Создателя вселенныя во исполнение закона во храм Иерусалимский принесшая; радуйся, тамо старцем Симеоном радостно сретенная. Радуйся, едина Чистая и Преблагословенная в женах; радуйся, Крест Свой, скорбями преукрашенный, во смирении несшая. Радуйся, воли Божией николиже преслушавшая; радуйся, образ терпения и смирения Собою явившая. Радуйся, сосуде исполненный благодати Духа Святаго; радуйся, многоскорбная Мати Божия, печаль нашу в радость претворяющая.
Кондак 3
Силою свыше была еси укрепляема, Мати Божия, егда услыша словеса старца Симеона, глаголюща: «Се, лежит Сей на падение и на востание многим во Израили, и в знамение пререкаемо, и Тебе же самой душу пройдет оружие, яко да открыются от многих сердец помышления», и скорбь велия пронзи сердце Богородицы, и возопи в горести Богу: Аллилуиа.
Икос 3
Имея тщание погубити Отроча посла Ирод избити вся дети сущия в Вифлееме и пределех его от двою лета и нижайше, по времени еже испыта от волхвов и се по повелению Божию, данному чрез Ангела во сне старцу Иосифу, бежа все святое семейство во Египет и пребысть тамо седмь лет до смерти Ирода. Тем же со умилением вопием Ти: Радуйся, всю тесноту странствия понесшая; радуйся, яко все идоли падоша в стране Египетской, не возмогше терпети крепости Сына Твоего. Радуйся, с нечестивыми язычники седмь лет пребывшая; радуйся, с Предвечным Младенцем-Отроком и со Своим Обручником в Назарет пришедшая. Радуйся, со старцем Иосифом древоделом в нищете жившая; радуйся, все время Свое в трудах проводившая. Радуйся, многоскорбная Мати Божия, печаль нашу в радость претворяющая.
Кондак 4
Буря скорби обдержа Пречистую Матерь, егда возвращающимся има из Иерусалима не обретоша в пути Отрока Иисуса. Сего ради возвращшеся взыскающе Его, и бысть по триех днех обретоша Его в церкви, седяща посреде учителей и послушающа их и вопрошающа их. И рече к Нему Мати Его: Чадо, что сотвори нама тако? Се отец Твой и Аз боляще искахом Тебе? И рече к нима: что яко искаста Мене, не веста ли яко в тех, яже Отца Моего суть достоит быти Ми; и Мати Его соблюдаше вся глаголы сия в сердце Своем, вопиющи Богу: Аллилуиа.
Икос 4
Услыша Мати Божия, яко Иисус прохождаше всю Галилею, уча на сонмищах их, проповедаяй Евангелие Царствия и исцеляя всяк недуг и всяку язву в людех, и изыде слух по всей Сирии и приведоша к Нему болящия различными недузи и страстьми одержимыя и бесами, и расслабленныя и исцеляше их. Ты же, Мати Божия, ведущи пророчества, скорбела сердцем, познавая, яко вскоре приидет час, егда Сын Твой принесет Себе в жертву за грехи мира. Темже ублажаем Тя, многострадальная Мати Божия, вопиюще: Радуйся, Сына Своего на служение народу иудейскому отдавшая; радуйся, скорбная сердцем, но покорная воле Божией. Радуйся, мир от потопа греховнаго спасшая; радуйся, главу древнего змия стершая. Радуйся, Себе в жертву живу Богу принесшая; радуйся, Господь бо с Тобою, Благословенная. Радуйся, многоскорбная Мати Божия, печаль нашу в радость претворяющая.
Кондак 5
Божие Царство на земли проповедуя, обличаше Иисус гордость фарисей, мнивших себя праведными быти. Тии же, слушая притчи Его, разумеша, яко о них глаголет, и искаша яти Его, но убояшася народа, понеже яко пророка Его имеяху; сие все ведая, скорбяше Богородица о Сыне возлюбленном, страшася, да не убьют Его, в горести вопиюще: Аллилуиа.
Икос 5
Видевше нецыи от иудеев воскресение Лазаря, идоша к фарисеем и рекоша им, яже сотвори Иисус, и рече Каиафа, архиерей сый лету тому: «Уне есть нам, да един человек умрет за люди, а не весь язык погибнет», от того дня совещашася, да убиют Его; мы же вопием Тебе, Пречистая: Радуйся, Спасителя мира рождшая; радуйся, спасения нашего главизна. Радуйся, от рождения Матерью Спасу нашему предызбранная; радуйся, Мати Божия, обреченная на страдание. Радуйся, Благословенная, Царицею Небесною соделавшаяся; радуйся, выну за нас молящаяся. Радуйся, многоскорбная Мати Божия, печаль нашу в радость претворяющая.
Кондак 6
Прежде проповедник слова Божия, послежде предатель - Иуда Искариотский, един от обоюнадесяти апостолов, иде ко архиереом предати Учителя своего; они же слышавше, обрадовашася зело и обещаша ему сребреники дати; Ты же, Мати Божия, скорбящи о Сыне Своем возлюбленном, вопияла горце Богу: Аллилуиа.
Икос 6
Возсия последняя вечеря учеником Христовым, на ней же Учитель умы нози има, образ смирения тем показуя, и рече им: «Един от вас предаст Мя, ядый со Мною». Мы же, горю Матери Божией сострадая, вопием Ей: Радуйся, Мати Божия, мукой сердечной истомленная; радуйся, вся претерпевшая во юдоли сей многоскорбней. Радуйся, в молитве успокоение находившая; радуйся, всех скорбящих радосте. Радуйся, утоление наших печалей; радуйся, из тины греховныя нас спасающая. Радуйся, многоскорбная Мати Божия, печаль нашу в радость претворяющая.
Кондак 7
Хотяй явити любовь Свою к роду человеческому Господь Иисус Христос на Тайной Вечери, благословив и преломив хлеб, даде Своим учеником и апостолом, рек: «Приимите, ядите, сие есть Тело Мое», и прием чашу и хвалу воздав, даде им, глаголя: «Пиите от нея вси, сия есть Кровь Моя Новаго Завета, яже за многия изливаемая во оставление грехов». Благодаряще милостиваго Бога за милосердие Его к нам неизреченное, поем Ему: Аллилуиа.
Икос 7
Новое знамение милости Своей яви Господь ученикам Своим, егда обеща послати им Утешителя Духа Истины, Иже от Отца исходит и будет свидетельствовать о Нем. Тебе же, Матери Божией, дважды освященной Святым Духом, вопием: Радуйся, Духа Святаго обиталище; радуйся, чертоже всесветлый. Радуйся, пространное селение Бога Слова; радуйся, бисер Божественный произведшая. Радуйся, Рождеством Твоим райския двери нам отверзающая; радуйся, знамение милости Божией Собою нам явившая. Радуйся, многоскорбная Мати Божия, печаль нашу в радость претворяющая.
Кондак 8
Странно и прискорбно нам слышати, яко лобзанием предаде Учителя своего и Господа Иуда Искариотский, спира же и тысячник и слуги иудейския яша Иисуса и связаша Его, и ведоша к первосвященнику Анне перве, посем же к Каиафе архиереови. Мати же Божия, смертнаго совета Сына Своего возлюбленнаго ожидая, вопияла Богу: Аллилуиа.
Икос 8
Все иудеи ведоша Иисуса от Каиафы в претор к Пилату, глаголюще Его злодеем быти. Пилат же, вопросив Его, глагола им, яко ни единая вины обретает в Нем; мы же вопием Ти: Радуйся, сердце, горем истерзанное, имевшая; радуйся, слезы о Сыне Своем проливавшая. Радуйся, все претерпевшая без ропота, яко раба Господня; радуйся, стенящая и рыдающая. Радуйся, Царице небеси и земли, приемлющая молитвы раб Своих; радуйся, многоскорбная Мати Божия, печаль нашу в радость претворяющая.
Кондак 9
Вси роди блажат Тя, честнейшую херувим и славнейшую без сравнения серафим, Владычицу и Матерь Избавителя нашего, Рождеством Своим радость всему миру принесшую, послежде скорбь велию имевшую, видящи Сына Своего возлюбленнаго на поругание и биение смерть преданнаго, мы же умиленное пение приносим Ти, Пречистая, поюще Всемогущему Богу: Аллилуиа.
Икос 9
Витии многовещанные не возмогут изрещи всех страданий Тобою перенесенных, Спасе наш, егда воины сплетше венец из терния на главу Твою и в ризу багряну облекоша, глаголаху: «Радуйся, Царю Иудейский» и бияху Тя по ланитам. Мы же, Мати Божия, страдания Твоя познавая, вопием Ти: Радуйся, Его же млеком Своим питала еси, терзаемаго видевшая; радуйся, багряницею и терновным венцем одеяннаго зревшая. Радуйся, страданием Его спострадавшая; радуйся, всеми учениками Его оставленнаго видевшая. Радуйся, неправедными судиями Его осужденнаго зревшая; радуйся, многоскорбная Мати Божия, печаль нашу в радость претворяющая.
Кондак 10
Спасти хотя Иисуса, рече Пилат иудеом: «Есть обычай нам, да единаго вам отпущу, хощете ли убо отпущу вам Царя Иудейскаго?» Вси же возопиша, глаголюще: «Не Его, но Варраву!» Воспевая милосердие Божие, отдавшаго Сына Своего Единороднаго на крестную смерть, да искупит ны от вечныя смерти, вопием Ему: Аллилуиа.
Икос 10
Стена и ограждение буди нам, Владычице, изнемогающим от скорби и болезней. Ты бо и Сама страдала еси, слышащи иудеев вопиющих: «Распни Его». Ныне же услыши нас, вопиющих Ти: Радуйся, Мати милосердия; отъемлющая всяку слезу от люте страждущих; радуйся, слезу умиления нам подающая. Радуйся, погибающих грешников спасающая; радуйся, предстательство христиан непостыдное. Радуйся, от страстей нас избавляющая; радуйся, сердцу сокрушенному отраду подающая. Радуйся, многоскорбная Мати Божия, печаль нашу в радость претворяющая.
Кондак 11
Пение всеумиленное приносим Спасителю мира, на вольное страдание шедше и Крест Свой несшу на Голгофу пропяти Его; стояху при Кресте Иисусове Мати Его, Мария Клеопова и Мария Магдалина. Иисус же, видев Матерь и ученика стояща, его же любляше, глагола Матери Своей: «Жено, се сын Твой!» потом глагола ученику: «Се Мати твоя!» И от того часа поят Ю ученик восвояси. Ты, Мати Божия, видя на Кресте Сына и Господа Своего терзающися, вопияла горце Богу: Аллилуиа.
Икос 11
Свете Мой, Боже превечный и Творче всех тварей, Господи, како терпиши страсти на Кресте? - Чистая Дева плачущи глаголаше о страннем Твоем Рождестве: «Сыне Мой, паче всех матерей возвеличена бых Аз, но, увы "Мне, ныне Тя видящи распята распаляюся утробою»; мы же слези проливаем, Тебе внимающе, вопием Ти: Радуйся, радости и веселия лишенная; радуйся, вольная страдания Сына Своего на Кресте видевшая. Радуйся, Чадо Свое возлюбленное уязвленным зревшая; радуйся, Агница, зрящи Чадо Свое, яко Агнца, на заколение ведома. Радуйся, Избавителя язв душевных и телесных язвами покрытаго видевшая; радуйся, Сына Своего воскресшаго из мертвых зревшая. Радуйся, многоскорбная Мати Божия, печаль нашу в радость претворяющая.
Кондак 12
Благодать подаждь нам, Спасе Всемилостивый, на Кресте Дух Свой испустивый и согрешений наших рукописание раздравый. «Се, Свет Мой благий, Бог Мой угасе на Кресте», - Дева стеняще глаголаше. «Потщися, Иосифе, к Пилату приступити и испроси сняти с древа Учителя Твоего. Уязвленнаго Тя видевше без славы нага на древе, Чадо Мое, душу Мою пройде оружие по проречению праведнаго Симеона», - провиде Мати Божия, вопиющи: Аллилуиа.
Икос 12
Поюще милосердие Твое, Человеколюбче, покланяемся богатству милости Твоея, Владыко. «Создание Твое спасти хотя, смерть подъял еси», - рече Пречистая, но воскресением Твоим, Спасе, помилуй всех нас, мы же Пречистей Матери Твоей со умилением зовем: Радуйся, мертва зряще бездыханна преблагаго Господа; радуйся, лобзавшая тело Сына Своего возлюбленнаго. Радуйся, Света Своего нага и уязвленнаго мертвеца зрела еси; радуйся, Света Своего гробу предавшая. Радуйся, плащаницею новою Тело Его обвившая; радуйся, воскресшим Его видевшая. Радуйся, многоскорбная Мати Божия, печаль нашу в радость претворяющая.
Кондак 13
О Всепетая Мати, изнемогавшая от скорби у Креста Сына Своего и Бога, внемли воздыханием и слезам нашим и избави от скорби, болезней и вечныя смерти всех, уповающих на неизреченное Твое милосердие и вопиющих Богу: Аллилуиа.
(Этот кондак читается трижды, затем икос 1 и кондак 1)